Куман му испрати јасна порака на Дембеле

Францускиот фудбалер Оусман Дембеле пристигна во Барселона пред три години од Борусија Дортмунд како замена за Нејмар, но не ги оправда очекувањата.

Дембеле претходните две сезона имаше огромни проблеми со повредите поради кои скоро и да не играше. Клубот го плати 140 милиони и јасно е дека нема така лесно да го пушти да замине иако моментално не е во прв план на тренерот Куман.

Претходните денови се шпекулираше дека Французинот може да се пресели во Манчестер Јунајтед, но од тоа нема да има ништо. Одлучено е да остане во Барселона и да се бори за своето место во тимот.

Дембеле не е задоволен од минутажата во новата сезона, во која предност пред него има Ансу Фати кој воодушеви со трите гола во првите две кола.

Куман на вчерашната прес конференција пред натпреварот против Севиља зборуваше за Дембеле, каде јасно порача дека Ансу Фати е подобар од него.

„Ансу е подобар од него. Ако е незадоволен, нека ми каже. Во екипата сакам само задоволни играчи.“ – порача Куман.