Кулминираше кризата во ФК Партизан: Клубот остана без право на грб, име и стадион!

Додека кошаркарскиот клуб е на чекор од фајнл-фор, фудбалскиот клуб на Партизан поминува низ едни тешки моменти.

Кризата во Партизан кулминираше откако вчера клубот одлучи да истапи од спортското друштво како одговор на обидот да се постави привремена управа. Со ваквата одлука Партизан се доведе во ситуација да нема право на името, грбот и стадионот.

Со истапувањето според статутот ЈСД Партизан губи име, грб и стадион и сето ова е кулминација на војната во црно-белото семејство. Двете страни влегуваат во конфликт и етапа кој ќе треба да помине по судските ходници.

Од друга страна клубот се доведува на раб на егзистенција, финансиките проблеми се од поодамна тука и едвај беше испочитуван рокот за исплата на долговите за да не се загуби евролиценцата.