Крос: Реал е најголем клуб на светот!

Тони Крос вчера и официјално го продолжи договорот со Реал Мадрид до 2022 година и истакна дека е многу среќен на „Сантиаго Бернабеу“.

Крос вели дека е многу среќен во Мадрид и смета дека Реал е најголемиот клуб на светот каде сака да остане уште многу години.

„Играчите не можат да направат апсолутно ништо кога се работи за шпекулации. Поради тоа јас молчев цело лето, иако сум многу среќен од првиот ден во Реал Мадрид. Ова е најголемиот клуб на светот“, изјави Крос.

„Среќен сум што сум овде и му благодарам на клубот што има доверба во мене и во моите способности. Среќен сум што ќе останам овде уште шест години“, додаде Германецот.