Короната го „покоси“ ПСЖ: Нејмар, Ди Марија и Паредес позитивни

Ѕвездите на ПСЖ, Нејмар, Анхел Ди Марија и Леандро Паредес се заразени со корона вирусот, пренесуваат француските медиуми.

Актуелниот француски шампион ПСЖ синоќа ја информираше јавноста дека двајцата играчи се „сомнителни дека биле заразени со корона вирусот“.

Станува збор за Ди Марија и Паредес и тие веќе се предмет на соодветен здравствен протокол, а вирусот најверојатно го добиле на нивните одмори на Ибица. Денес позитивен на корона тест се покажа и Нејмар.

Засега не е познато дали Бразилецот чувствува некакви симптоми, но веднаш бил ставен во изолација.

По последниот натпревар од Лигата на шампионите, тројцата фудбалери заминаа на одмор заедно, а проблем е што се дружеа со Икарди, Херера, Верати и Навас на Ибица, па најверојатно и тие ќе бидат ставени во самоизолација.

? Neymar, Di María y Paredes, positivos en #COVID19.

Vía L’EQUIPE pic.twitter.com/WbhJEvpB79

— ChiringuitoChampions (@chirichampions) September 2, 2020