Конте: Серија А? Ќе се вратам повторно да ги пореметам работите

Италијанскиот стратег и тренер на Тотенхем, Антонио Конте најави дека во иднина би можел да се врати во Серија А.

Конте минатата сезона ја освои шампионската титула со Интер и така ја прекина доминацијата на Јувентус, која тој ја започна.

Конте изјави дека е среќен за добрите резултати на Интер и оваа сезона, но дека би можел да се врати за „повторно да го поремети поредокот“.

„Среќен сум за резултатите кои Интер ги бележи оваа сезона. Поставени се темели за клубот да може да остане на врвот долги години. Сега останува на другите да се обидат да го симнат од врвот“.

„Можеби еден ден јас ќе се вратам за повторно да ги пореметам работите во Серија А“, истакна Конте.