Интер синоќа беше поразен во големото дерби против Лацио,па после поразот „нероаѕурите“ паднаа на третата позиција на табелата.
Антонио Конте и на овој натпревар се реши да го стави на клупата за резервни големото јануарско засилување Кристиан Ериксен.
Еден од новинарите по меќчот го праша Конте дали е време Ериксен да добие поголема минутажа и конечно да се најде во првиот состав, но тренерот на Интер со својата изјава го разочара Данецот.
„Верувам дека во секоја ситуација мора да ја пронајдете рамнотежата помеѓу одбраната и нападот. Не можеме да мислиме дека еден играч може да ја промени судбината на тимот, особено што до сега игравме без Ериксен. Мораме да останеме смирени и да ги пуштиме новите играчи како што треба да се вклопат во тимот. Да продолжиме да работиме и да не размислуваме дека можеме да го смениме нашиот тим одеднаш“, изјави Конте.
Учество во игри на среќа е дозволено за лица со 18+ години. Играј одговорно!