Конте им октри на англиските медиуми дали ќе остане во Челзи и следната сезона

Италијанските медиуми претходниве денови објавија дека тренерот на Јуве, Алегри и тренерот на Наполи, Сари се главните кандидати за работа во Челзи, а Конте изјави дека лондонскиот клуб ќе одлучи за тоа.

„Ми остана уште една година од договорот, но како што вие добро знаете, се е можно. Во еден момент сте тука, а во другиот веќе ве менува друга личност“, изјави Конте.

Конте минатата сезона ја освои шампионската титула во Премиер лигата и се пласираше во финалето на ФА Купот.

„За тренер на ваков клуб нормално дека постојат многу приказни, иако си освоил титула и си играл во финалето на ФА Купот. Тоа е историја на овој клуб. Имам многу искуство во вакви ситуации. Но, овде е нешто чудно ако весниците по поразот од Барнли веднаш ме сменија. Мислам дека во другите клубови ова не се случува“, додаде италијанскиот тренер.