Контактот воспоставен, може ли Мбапе во Серија А?

Денешното издание на „Тутоспорт“ пренесува интересна вест.

Имено, додека Масимилијано Алегри го припрема тимот за финалето во Лигата на шампионите, генералниот директор Марота и спортскиот Паратичи на големо работат на засилувањата за следната сезона и тоа не на било кој, туку најголемата млада ѕвезда во oвој момент Килијан Мбапе.

Сепак, во овој момент рано е да се зборува за нешто посериозно, но едно е сигурно Јувентус се обидува.

Алегри можеше и на дело да се увери во квалитетите на младата ѕвезда со оглед на тоа дека Монако токму од Јувентус беше елиминиран во двомечот од полуфиналето со вкупни 4:1. Единствениот гол за клубот од Кнежеството беше дело токму на Мбапе.

Засега како најсериозен кандидат се споменуваше, кој друг, ако не Флорентино Перез и Реал Мадрид.

Покрај контактот со Мбапе се наведува дека Јувентус се распрашувал уште за Бакајоко, Фабињо и Лемар.