Клоп неочекувано заинтересиран за поранешниот играч на Челзи

Германскиот стратег започна да прави силен тим за новите предизвици во следната сезона.

Ливерпул доби шанса преку квалификации да се врати во ЛШ, а нема сомнеж дека Клоп ќе направи се што може за ова лето да ја врати Лигата на Шампионите на „Енфилд“.

А за тоа да го направи со помали проблеми и да биде конкурентен во најелитното натпреварување и на домашната сцена, јасно е дека ќе мора да доведе неколку добри засилувања.

Потребно е да ги освежи сите линии на тимот, на офанзивниот дел на средниот ред му недостасуваат уште барем еден добар играч за Германецот да не се грижи за случајни повреди.

Имаше доста шпекулации за многу фудбалери, а едно време се зборуваше и за пожно доаѓање на поранешниот фудбалер на Челзи. Станува збор за Мухамед Салах од Рома, но по некое време, приказните за трансфер на„Египетскиот Меси“ во Ливерпул исчезнаа, па се претпоставуваше дека станува збор за само шпекулации.

Но, дека има нешто повеќе во тоа прашање, сега е сосема јасно, бидејќи агентот на фудбалерот, Рами Абас Иса, даде неколку наговестувања дека неговиот клиент би можел да стане член на „Црвените“.

Тој на Твитер ја заследи официјалната страница на Ливерпул, а потоа објави и фотографија на својот пасош и авионски карти, на кои се гледа дека патува за Лондон. За што станува збор тоа патување, ќе дознаеме наскоро.