Клатенбург: Не можам да верувам дека Јунајтед не доби пенал

Поранешниот англиски судија, Марк Клатенбург е изненаден што Манчестер Јунајтед не доби пенал во дербито со Челзи.

Во првото полувреме Ходсон –Одој играше со рака во казнетиот простор, но главниот судија процени дека нема елементи за најстрога казна, иако гледаше ВАР.

„Не можам да верувам дека Јунајтед не доби пенал за играта со рака на Ходсон-Одој во првото полувреме. Неговата рака не беше во природна позиција и топката го удри во рака. Крис Кавана, кој беше одговорен за ВАР, му сигерираше на главниот судија да ја види целата ситуација. Како судијата не досуди пенал откако ја виде целата ситуација, не знам, шокиран сум“, изјави Клатенбург.