Италија во „ТРАНС“: Рикардо Кака вечерва пристигнува во Милано!

Замислете каков камбек би било ова…

Да, можно е навистина. Рикардо Кака вечерва пристигнува во Милано, а италијанските медиуми пренесуваат дека се закажани и преговори за негов трет мандат на „Сан Сиро“.

Наводно, иако Кака неодамна истакна дека се повлекува и дека му е време за пензионирање, Милан е во тешки моменти и потребни му се луѓе кои го познаваат клубот и кои можат да допринесат на психолошки план.

После етапата во Орландо, Италија очекува Кака да се врати во Милан, но не е познато дали тоа ќе биде во улога на играч.

Бразилецот вечерва ќе присуствува на натпреварот помеѓу Милан и Австрија Виена во рамките од Лигата на Европа, но наводно и ќе преговара со спортскиот директор Фасоне.