Италијанците откриваат колкава ќе биде платата на Елмас со новиот договор

Елиф Елмас брзо ги собра симпатиите во Италија после само една сезона и многу брзо се очекува да го продолжи договорот до 2025 година.

Продолжувањето на договорот на Елмас беше најавено од клубот и од неговиот менаџер. Италијанскиот новинар на „РАИ“ Чиро Венерато објави и за колку ќе биде зголемена платата на Елмас.

Во Наполи Елмас пристигна минатото лето за сума од 16 милиони евра и потпиша петгодишен договор со плата од 1.5 милон евра по сезона. Со новиот потпис Елмас ќе добие 300.000 евра повеќе, односно 1.8 милиони евра. Не е познато дали би се зголемила откупната клазула со новата соработка.

Оваа сезона Елмас го освои Купот на Италија со Наполи, а успеа да постигне гол и да запише една асистенција во 30-те натпревари за калчолигашот.

Пред Наполи и Елмас сега е нов предизвик, тоа е Барселона во Лигата на шампионите. Првиот натпревар помеѓу овие два клуба заврши 1:1. Медиумите во Италија најавуваат дека поради повредата на Инсиње се очекува Елмас да се најде од првата минута на теренот.