Италијанците дозволија полн капацитет на баражот во Палермо, но маската останува задолжителна

Италијанците веќе потврдија дека натпреварот од баражот во Палермо ќе се игра полн капацитет, а тоа ќе биде прв натпревар од почетокот на пандемијата во 2020 година кој ќе може да се игра пред полни трибин иво Италија.

Меѓутоа сепак Италијанците и понатаму се претпазливи, па иако е дозволен полн капацитет сепак маските ќе бидат задолжителни.

„Маската FFP2 ќе биде задолжителна до 30. април за сите спортски натпревари на отворено и затворено“, порачаа од Министерството за здравство.

На трибините во Палермо ќе има околу 36.000 гледачи, а Македонија доби можност за околу 1.300 фанови.