Испратиле жалба: Шпански клуб бара Ла Лига да биде стопирана!

Шпанскиот прволигаш Кадиз побара да се стопира сезоната во Ла Лига додека не се реши ситуацијата со големата грешка на нивна штета.

Против Елче, Кадиз имаше предност, а во завршницата на гостите им беше признат гол, иако имало офсајд. Офсајдот не го забележиле ниту судиите на теренот, ниту од ВАР собата. Од клубот истакнаа дека е испратена жалба до Шпанската фудбалска федерација, меѓутоа таа жалба им беше одбиена.

Објаснувањето од Ла Лига е дека не е можно резултатот од натпреварот да се поништи. Барањето на Кадиз беше да се поништи голот на Елче и да се доиграат тие последни девет минути.

Клубот не се откажа и нивното барање привремено да се стопира лигата за случајот да се реши сега е прегрлено на Спортскиот арбитражен суд во Лозана. Кадиз се наоѓа на 16-тата позиција во Примера со два бода над опасната зона.