Исланд во натпреварот од третото коло од втората фаза на Европското првенство со 29:25 ја победи најголемата сензација во досегашниот дел од турнирот, репрезентацијата на Португалија. Со тој триумф Исланѓаните направија голема услуга на Словенија.
Најдобар играч на натпреварот беше Петересон кој постигна пет гола, а најефикасен беше Смарсон со осум.
До кога ќе дишеме отровен воздух!? | Уште еден поткаст
Исланд од почетокот беше многу подобар тим. Имаше 7:1 на срдината на првото полувреме, а Португалија првиот гол го постигна дури во 9. Минута. Сепак, подоцна Португалците се вратија и го донесоа натпреварот до егал.
Во продолжение се играше гол за гол до последната минута кога Исланд уфрли во поголема брзина и со четири гола го доби натпреварот. Со оваа победа Исланд си ги врати шансите за полуфинале, меѓутоа за такво нешто потребно им е среќа.
На врвот на групата се Норвешка и Словенија кои се максимални. Словенија која во првото коло го победи Исланд игра против Унгарија во вечерниот термин, додека Норвешка игра со Шведска која е на дното без бодови. Во случај Словенците и Норвежаните да слават ќе дојдат на чекор до полуфинале.
Учество во игри на среќа е дозволено за лица со 18+ години. Играј одговорно!