Интер ја „краде“ големата ѕвезда на Наполи

Напаѓачот на Наполи, Дрис Мертенс на крајот на сезоната ќе се пресели во редовите на Интер, пренесуваат италијанските медиуми.

Белгискиот репрезентативец е еден од најдобрите играчи на Наполи, но бидејќи неговиот договор завршува по крајот на сезоната ќе може да си замине како слободен играч.

Таквата ситуација сака да ја искористи Интер и да го донесе Мертенс без обештетување, па веќе стапил во контакт со неговите агенти.

„Газета дело Спорт“ пренесува дека двете страни постигнале начелен договор за двегодишна соработка и во јануари Мертенс ќе потпише преддоговор со Интер.

Мертенс игра во Наполи од јули 2013 година и во меѓувреме го сруши рекордот на Диего Армандо Марадона и моментално е втор најдобар стрелец во историјата на клубот. Му недостигаат уште пет голови за да го мине Марек Хамшик и да стане најдобар голгетер на Наполи на сите времиња.