Интер ја започна потрагата по наследник на Хандановиќ

Самир Хандановиќ веќе неколку години важи за еден од најдобрите голмани во Европа, а и оваа сезона брани фантастично.

Меѓутоа Хандановиќ веќе има 34 години, па раководството на Интер веќе почна да размислува за наследник на Словенецот.

„Нероаѕурите“ сакаат да донесат млади и талентиран голман кој ќе биде решение за голот во наредните десетина години.

Прва мета е голманот на ПСЖ и француски репрезентативец, Алфонс Ареола. Тој оваа сезона е во сенка со доаѓањето на Буфон во Париз, па е спремен да ја промени средината.

Како алтернатива „нероаѕурите“ ги следат Лафонт од Фиорентина, Крањо од Каљари и Голини од Аталанта.

https://youtu.be/FEykrSICEuk