Интер и Белгија во „војна“ поради Лукаку

Италијанскиот гигант Интер се спротистави на одлуката Ромелу Лукаку да се јави на повикот на белгиската репрезентација.

Лукаку има повреда на бутниот мускул поради која ги пропушти двата последни натпревари, а неизвесен е и за мечот со Аталната во недела.

Покрај тоа напаѓачот доби повик од Белгија, на што Интер стави „вето“.

„Мораме да бидеме ригидни. Мора да постои здрав разум. Гледам лошо расположение кај многу директори на клубови поради репрезентативните повици“, изјави директорот на Интер, Џузепе Марота.

„Разговаравме со Интер околу повредата на Лукаку. Сигурни сме, ќе биде спремен за понеделник“, изјави селекторот Мартинез.