Интер донел одлука од кој напаѓач да се ослободи

Нападот на Интер во текот на летото ќе претпри одредени промени.

Напаѓачкиот квартет во сезоната која е знад го сочинуваа Лаутаро Мартинез и Един Џеко како стартер, а Алексис Санчез и Хоакин Кореа како нивни резерви. „Газета дело Спорт“ пренесува дека во Интер донеле одлука да се ослободат од Алексис Санчез.

Миланскиот весник тврди дека контактите се веќе направени и дека на чилеанскиот напаѓач ќе му биде исплатена одредена оштета за раскинување на соработката. Во Интер сакаат да го растеретат буџетот и да направат простор за нов напаѓач.

Санчез во изминатата сезона во главно добиваше прилика од клупата за резерви, а во сите натпреварувања постигна девет голови. Екипата ја остави на „цедило“ кога можеби и беше најпотребно, во реваншот од осминафиналето во Лигата на шампионите против Ливерпул. Санчез во тој натпревар доби црвен картон при резултат 1:0 за неговиот тим.

Името на Санчез во изминатиот период се поврзуваше со Ривер Плата, но тој е прескап за аргентинскиот гигант и како наредна дестинација се споменуваше Шпанија.