Интер го контактираше Кавани, но тој само љубезно им се заблагодарил

Управата на Интер ова лето преговара со голем број на напаѓачи. Две главни желби се Един Џеко и Ромелу Лукаку.

Прашање на момент е кога Џеко ќе стане нов играч на Интер, но од доаѓањето на Лукаку нема ништо, бидејќи тој сака во Јувентус. Интер поради тоа се сврте кон напаѓачот на ПСЖ, Едисон Кавани и се обиде да го доведе одличниот Уругваец.

Сепак, ни од тоа нема ништо. Кавани потврди дека бил контактиран од Марота, но дека само љубезно се заблагодарил на понудата. Тој не сака да се пресели во Интер, туку сака да остане во ПСЖ, со кого има договор до крајот на јуни следната година.

Тој ќе почека да му истече договорот, а тогаш како слободен играч ќе го напушти Париз.