Иниеста: Тоа што го прави Јамал не е нормално

Крилниот напаѓач на Барселона, Ламин Јамал е една од главните ѕвезди на тековното Европско првенство во Германија, а од неговите настапи воодушевен е и легендарниот Шпанец, Андрес Иниеста.

Јамал досега на првенството не се запиша во листата на стрелци, но имаше три асистенции и правеше разлика на теренот.

„Не е во границите на нормалното тоа што тој го прави. На 16 години е важен играч во Барселона и во репрезентацијата. Треба да го охрабрирме да продолжи така. Ситуации како негоивата се ретки“, изјави Иниеста кој со својот гол и донесе на Шпанија титула светски шампион во 2010 година во Јужна Африка.

Полуфиналето помеѓу Шпанија и Франција се игра утре од 21:00 часот во Минхен.