Индиректно барање: Клоп го слушна ли ова?

Екипата од „Енфилд“ оваа сезона не блеска, почнаа добро, но откако Мане заработи црвен картон против Сити, некако се тргна кон распад на Ливерпул.

Во нападот немаат ниту среќа, беа доминантни во поголемиот број дуели во септември, но не успеваа да го пронајдат патот до мрежата на противникот, додека одбраната потфрли, па беа забележани лоши резултати.

Се доби впечаток дека Клоп направи грешка што не ја засили задната линија на тимот, но кога малку подобро ќе се погледне, на Ливерпул му недостасуваат и квалитетни играчи за врска.

Вајналдум и Хендерсон се во лоша дформа, Емре Џан е единствениот на висината на задачата, а тоа очигледно не е доволно за натпреварување на повеќе фронтови.

Францускиот фудбалер, Адријан Рабио би бил фантастично засилување за екипата на Клоп, а сега и самиот изјави дека навива за „Црвените“, но и дека еден ден би сакал да заигра во англиската Премиер лига.

„Постојат многу квалитетни лиги. Добро е да се замине некаде, тоа ве прави побогат, но моментално сум среќен во ПСЖ. Би сакал да играм во Премиер лигата. Не постои ниту еден клуб за кој би сакал посебно да играм, но како мал навивав за Ливерпул“, изјави талентираниот Французин.