Изјавата на Ристовски која денес изгледа како предвидување

Тимот на Динамо Загреб освои големи три бода во вчерашното дерби со Ријека и така дојде на чекор од титулата во хрватското првенство.

По овој триумф Динамо на табелата има четири бода повеќе од Ријека на три кола пред крајот. До крајот им преостануваат уште две средби дома со Осијек и Рудеш и гостување кај Славен Белупо. Во овие натпревари потребни им се две победи за ја заверат титулата.

Во овие моменти во центарот на вниманието е изјавата која ја даде македонскиот фудбалер Стефан Ристовски уште во март кога многумина го отпишуваа Динамо.

„Убеден сум дека сезоната ќе ја завршиме успешно. Секако дека ќе биде така, не сум арогантен, ниту препотентен, знам што зборувам и знам каков квалитет имаме. Ги почитуваме сите, но титулата одново ќе се слави на „Максимир“, гласеа зборовите на Ристовски тогаш.

Очигледно Ристовски знаеше што може Динамо бидејќи не е сеедно да излезете во јавноста во такви моменти со таква изјава…