Изјавата на Погба за Реал Мадрид предизвика „бура“ од реакции во јавноста

Фудбалерот на Манчестер Јунајтед Пол Погба денес даде интересна изјава поврзана со неговиот потенцијален трансфер во Реал Мадрид.

Во пресрет на репрезентативните натпревари против Молдавија и Исланд за светскиот шампион Франција, Погба во еден дел од конференцијата зборуваше и за Реал Мадрид.

Оваа изјава на Погба брзо се рашири низ спортските медиуми, а голем дел од нив ја протолкуваа и како повик до Реал Мадрид да тргне во „акција“.

„Реал Мадрид е сон за секој фудбалер. Зборуваме за еден од најголемите клубови во светот. Исто така таму е и Зидан. Засега можам да кажам дека сум фудбалер на Манчестер Јунајтед, меѓутоа во фудбалот работите се менуваат и не знаете што ќе се случи во иднина“, изјави Погба.

Пол Погба многу поблиску до заминување од Јунајтед беше додека на клупата на Реал Мадрид седеше Жозе Мурињо со кого не беше во добри односи. Од заминувањето на Мурињо и од моментот кога Оле Гунар Солскјер пристигна во клубот Пол Погба игра како препороден и е вистински лидер на Манчестер Јунајтед.