ИЗНЕНАДУВАЊЕ: Карлос Вела пред потпис со Барселона!

Барселона изгледа пронајде замена за Луис Суарез!

Луис Суарез останува недопирлив во првите 11, но некогаш ќе мора и да одмори.

Денес каталонски „Спорт“ пренесува дека Барселона е пред потпис со Карлос Вела кој настапува во МЛС лигата во Лос Анџелес.

Имено, договорена е позајмицан а шест месеци со тоа што Барселона би имала право за откуп на 29 годишниот играч. Сега се уште не е познато колку точно Барса ќе ја плати таа позајмица, но „Спорт“ пишува дека во прашање е ефтина зделка.

Вела може да биде идеално решение до крајот на сезоната кога во Каталонија ќе одлучат дали е калибар да остане или ќе биде вратен во МЛС лигата.

Претходно мексиканските медиуми шпекулираа дека Вела би морал да прифати намалување на платата бидејќи во Лос Анџелес добива шест милиони долари (5.3 милиони евра). Повеќе од него заработуваат само Џовинко (6.7 милиони долари) и Мајкл Бредли (6.2 милиони долари) и двајцата во Торонто.

Вела има искуство од играњето на Пиринеите каде што го носеше дресот на Селта, Саламанка, Осасуна и Реал Сосиедад.