Изненадување: Венгер селектор на Швајцарија!?

Искусниот француски тренер на Арсен Венгер е еден од кандидатите за нов селектор на Швајцарија откако Владимир Петковиќ ја напушти функцијата и седна на клупата на Бордо.

Како што пренесува „РМЦ Спорт“ повикувајќи се на швајцарски извори Венгер после три години може да пронајде нов ангажман, но овој пат како селектор.

Венгер и Швајцарија беа во контакт уште во 1995 година пред да го преземе Арсенал, но тогаш до договор не дојде.

Искусниот стратег кој од 2018 година е вработен во ФИФА, течно зборува германски и француски и според најавите би бил краткорочно решение за клупата на Швајцарија. Поточно до крајот на календарската година или евентуално до март следната.