Ибра се врати со гол, Милан подобар од Лацио🎥

Милан го доби дербито со Лацио (2:0) и после третото коло во Серија А има максимален број на бодови.

„Росонерите“ одлично го почнаа мечот и доминираа цело прво полувреме, па не му дозволија на Лацио воопшто да се закани.

На крајот на првиот дел Леао одлично ја заврши контрата и му донесе предност на Милан. Во 46-та минута Кеси имаше шанса од пенал да донесе сигурна предност, но ја погоди пречката.

Во вториот дел Милан ја контролираше играта, а во 60-та минута во игра влезе Ибрахимовиќ, кој се врати на терените после четири месеци.

На Ибра му требаа само неколку минути да постигне гол после одличната асистенција на Ребиќ за конечни 2:0.