Ибра импресиониран од стоперот на Ливерпул: Му го побарав дресот, ме победи во сите дуели!

Ретки се оние дефанзивци кои можат да се пофалат дека го надмудриле и го запреле Златан Ибрахимовиќ.

Еден од нив е Ибрахима Конате од Ливерпул, кој комплетно го неутрализира Ибрахимовиќ на дуелот на „Сан Сиро“.

После натпреварот Ибра останал толку импресиониран од 22-годишниот стопер, што му го побарал и дресот, а тоа јавно го потврди.

„Побарав после мечот од Конате да ги заменеме дресовите. Ме победи вио сите дуели на теренот, дури и во оние воздушните. Му реков дека штом успеал да ме запре мене, тогаш може секого. Добро нека се сеќава на моите зборови, ќе биде врвен дефанзивец“, изјави Ибрахимовиќ.