Ибра за Мбапе: Невозможно е фудбалер да биде поголем од клуб

Златан Ибрахимовиќ даде коментар за ситуацијата на Килијан Мбапе, кој не замина на подготовки со ПСЖ во Јапонија.

Мбапе влезе во конфликт со раководството на ПСЖ бидејќи одбива да биде продаден сега и сака следното лето да замине како слободен агент.

„Дали направи добар потег со тоа што лани го продолжи договорот со ПСЖ? Мислам дека тоа му одеше во прилог на клубот, а не нему. Тој се стави во ситуација каде сакаше да биде поголем од клубот, но тоа е невозможно. Кога едно момче ќе стане толку моќно, тој многу лесно може да заработува огромни пари. Мислам дека најголем проблем е тоа што родителите се негови агенти, адвокати, советници и тренери“

„На овој начин го губиш својот идентитет и спортската дисциплина. Денес гледаме дека родителите сакаат да бидат поголеми ѕвезди од самите фудбалери. Тие се појавуваат во медиумите, зборуваат за фудбалот и бизнисот, а треба едноставно да замолчат. Вашиот син треба да работи, да се посвети на фудбалот и да биде максимално дисциплиниран“, изјави Ибрахимовиќ.