Ибра донесе одлука: Повторно ќе стане „росонер“

Златан Ибрахимовиќ донел одлука за својата иднина и наскоро ќе потпише со Милан, пренесе италијанската новинска агенција АНСА.

Двете страни се во напредна фаза на преговори, а 38-годишниот Швеѓанец ја прифати понудата на „росонерите“ и наскоро се чека официјализација.

Претходно, техничкиот директор на Милан, Паоло Малдини потврди дека клубот ги продолжува преговорите со Ибрахимовиќ, кој имаше понуди од неколку европски клубови.

Ибра е слободен агент откако му заврши договорот со ЛА Галакси и долго време се шпекулираше за неговата иднина, а на крајот одлучи да се врати на „Сан Сиро“. Тој играше за Милан од 2010 до 2012 година и стана шампион на Италија.