Ибрахимовиќ: Шест месеци играв без лигамент, никогаш не сум страдал толку

Златан Ибрахимовиќ вчера успешно ги оперираше лигаментите на коленото, па го очекува пауза од 7-8 месеци.

Иако има 40 години Иврахимовиќ не планира да стави крај на кариерата и сака да се врати на терените во јануари следната година.

Ибра сега откри дека цели 6 месеци играл без лигамент на коленото, само со цел да му помогне на Милан да стигне до Скудетото.

„Последниве шест месеци играв без вкрстен лигамент во коленото. Постојано ми беше потечено, а примив повеќе од 20 инјекции. Пиев апчиња против болки. Никогаш не сум страдал толку многу. Направив нешто невозможно. Во мојот ум имав само една цел, а тоа е да станеме шампиони на Италија. Сега имам нов лигамент и уште еден важен трофеј“, истакна Ибрахимовиќ.