Ибрахимовиќ: По првиот спринт за голот останав без здив, не би издржал доколку игравме уште 15 минути

Градското дерби помеѓу Л.А Галакси и Лос Анџелес заврши со резултат 4:3, а најзаслужен за победата на Галакси беше Златан Ибрахимовиќ.

Натпреварот се одигра пред 27.000 гледачи, а Ибрахимовиќ прво изедначи со волеј од огромна далечина, за потоа со глава во финишот да донесе победа.

„Навивачите повикуваа: Го сакаме Златан, го сакаме Златан и им го дадов Златан“, беа првите зборови на Ибра по натпреварот.

Потоа тој призна и дека немал многу сила и дека му било топло.

„После првиот гол, кога направив спринт останав без здив и потоа одлучив да ја променам тактиката. Отидов пред голот и чекав топка. Забележав дека голманот е излезен и знаев треба да шутирам со глава. Бев среќен што не се играше уште 15 минути, не би издржал“, изјави Швеѓанецот.

AMAZING.#zLAtan#LAvLAFC https://t.co/xyk78K6xSr

— Major League Soccer (@MLS) March 31, 2018