Ибрахимивиќ нов рекордер на миланското дерби

Ѕвездата на Милан, Златан Ибрахимовиќ синоќа постигна гол и запиша асистенција во миланското дерби против Интер кој победи со 4:2.

Швеѓанецот со 38 години и 129 дена стана највозрасниот стрелец на гол на миланското дерби. Досегашниот рекорд му припаѓаше на неговиот сонародник Нилс Линдолм кој играше за Милан и кој се запиша во листата на стрелците на големото дерби на возраст од 38 години и 43 дена.

Вчерашниот пораз на Милан е прв по враќањето на Ибрахимовиќ во редовите на „росонерите“. Швеѓанецот на крајот на декември дојде во Милан од Лос Анџелес Галакси и оттогаш Милан имаше четири победи и едно реми.