Зошто фудбалерите ја прекриваат устата додека зборуваат на теренот?

Често пати кога фудбалерите зборуваат на теренот знаат да ја покријат устата со раката. Зошто го прават тоа?

Кога Пеп Гвардиола вербално го нападна фудбалерот на Саутемптон, Натан Редмонд пред неколку дена во натпреварот на „Итихад“, овој му дофрли нешто на каталонскиот стручњак, но што? Ја прекри устата со рака и не им дозволи на камерманите да „дешифрираат“.

Овој тренд настанал во Шпанија каде што зборливите фудбалери се заштитуваа од дополнителни казни и мора да се признае дека добро им оди.

Сепак, конзултатот за односи со јавноста Фил Хал изнесе сосема поинаква терија и смета дека фудбалерите не го прават тоа за само да ја сокријат вистината.

„Еден фудбалер во еден момент ми кажа дека тоа го прават и од едноставна причина бидејќи сте блиску до некој, а зад вас е голема бука па сакате да го засилите вашиот глас за соговорникот да ве слушне. На стадионите секогаш е бучно и не е едноставно да се зборува со некои иако сте на само 20 сантиметри од него“, тврди Хал.