Зошто Арнолд носи „66-ка“? Еве го објаснувањето

Tрент Александар Арнолд веќе запиша 84 настапи во дресот на Ливерпул, а тој е играч кој од 16 години па нагоре ги помина сите младински категории на селекцијата на Англија, од 2018 година настапува за сениорскиот тим. Она што е малку чудно е неговиот број во Ливерпул, „66“.

Сега кординатор-менаџерот за клупските дресови на Ливерпул Ли Редклајф објасни зошто Арнолд носи толку висок број. Арнолд потекнува од академијата „Киркби“ која е дел од Ливерпул. Тој бил означен како талентирано момче, а подоцна блесна во дресот на Ливерпул со еден необичен број кој денес веројатно е желба на многу млади фудбалерчиња поради него.

Зад неговиот број стои начинот на работење на луѓето задолжени за дресовите во Ливерпул.

„Кога доаѓаат момци од академијата секогаш наша желба е да им дадеме висок број. Не сакаме да им даваме низок број за да не помислат дека веднаш успеале да стигнат до таков број, ме разбирате што сакам да кажам“.

„Им кажуваме: Ќе ти го дадеме тој број затоа што само што дојде тука. Денес кога ќе видите Трент како крева трофеи со бројот 66 можеби е чудно, но тој е среќен со истиот. Никогаш не побарал да го смени, сигурно веќе е поврзан со тој број“, објасни Ли Редклајф.