Зидан: Среќен сум што се вратив дома, Роналдо е минато

Реал Мадрид денес го врати Зинедин Зидан на клупата после само девет месеци.

Јулијен Лопетеги и Сантијаго Солари се покажаа како погрешни решенија, па Перез се одлучи да го врати Зидан во клубот. Французинот стави потпис на договор до јуни 2022 година.

Помеѓу навивачите владее вистинска еуфорија поради враќањето на Зидан, а не може да биде поинаку бидејќи овој човек им донесе три титули во низа во Лигата на шампионите.

Зидан искажа големо задоволство од враќањето во клубот.

„Среќен сум што се вратив дома. Започнуваме со работа уште од утре. Перез ми се јави и веднаш го прифатив повикот. Не бев тука овој период, но се чуствувам како никогаш да не сум заминал“, започна Зидан и продолжи:

„Кога имате успех нормално е да бидете подржуван и сакан. Додека гледав од страна воопшто не бев среќен. Едноставно не можев да му кажам „не“ на Перез. Роналдо е минато и не треба да мислиме на него, треба да гледаме напред“.

Зизу си пронајде и грешки во работата во Мадрид.

„Минатата година ја освоивме Лигата на шампионите. Но јас не заборавам дека не го освоивме шпанскиот куп. И јас правев грешки“, порача Зидан.

Оваа сезона тешко може да биде поправена, но јасно е дека од Зидан ќе се очекува многу веќе во наредната.