Зидан се надева дека Меси ќе остане во Барселона

Тренерот на Реал Мадрид, Зинедин Зидан призна дека сака суперѕвездата на Барселона, Лионел Меси да остане во Примера.

Вчера се појавија информации дека Аргентинецот сака да ги напушти Каталонците. Меси има договор до летото 2021 година, но според различни извори, шесткратниот освојувач на „Златната топка“ размислува за евентуална разделба со Барса.

По средбата на „кралевите“ со Гетафе, Зидан ги коментираше овие шпекулации.

„Не знам што ќе се случи, но се надевам дека нема да се случи, бидејќи тој е во овој шампионат и ние го сакаме најдоброто за Лигата“, истакна Зидан.