Зидан: Не сум сигурен дали ќе останам во Реал!

Викендон на програмата е големото мадридско дерби помеѓу Реал и Аткетико, а Зидан на пресконференцијата денес ги шокираше сите со својата изјава.

Имено, легендарниот Зизу изјави дека не е сигурен дали и следната сезона ќе биде на кормилото на „кралевите“ и затоа не планира ништо за следната сезона.

„Не сум сигуен дали ќе останам во Реал. Не подготвувам ништо, а најмалку предсезоната. Се она што го работам во овој момент, е за до крајот на актуелната сезона. Подготвен сум за се и знам што може да се случи. Го познавам овој клуб, знам што значи да се биде тренер на Реал Мадрид, и за добро и за лошо. До крајот на сезоната ќе зборувам само за наредниот натпревар, сигурен сум само дека ќе бидам тука до крајот на оваа сезона“, изјави Зидан.

Зидан со најсилниот ќе му се спротивстави на Диего Симеоне во „Ел Мадрилењо“ дербито кое може да се покаже како клучно за разврската на сезоната.