Зидан ги смирува навивачите: Тоа е фудбалот…

Реал Мадрид синоќа беше поразен од Реал Сосиедад со 4: 3 и со тоа го заврши настапот во Кралскиот куп.

Кралевите повторно ги разочараа своите навивачите и истите со причина се незадоволни.

Зинедин Зидан истакна дека неговиот тим сега ќе се сврти на домашното првенство.

“Мислам дека не направив грешка со поставата во овој натпревар. Противникот играше добро и знаеше како да не казни. Имавме многу проблеми кога ни правеа притисок, а исто така направивме многу грешки во одбраната. Сите сме во ова заедно, и кога губиме и кога ќе победиме.“ – беше јасен Зидан.

„Тоа е фудбал, сега се свртуваме кон шампионатот“ – додаде тренерот на „Кралевите“.

Од Кралскиот куп синоќа испадна и Барселона, па за прв пат од 2003. година во полуфиналето нема да бидат Реал и Барса.