Завршен е трансфер на Ериксен во Премиер лигата!

Кристијан Ериксен повторно ќе играм фудбал и тоа во Премиер лигата.

Најголемите островски медиуми меѓу кои е и реномираниот „Скај Спорт“ пренесуваат вест дека трансферот на Ериксен во Брентфорд и завршен, па наскоро треба да очекуваме и официјална потврда.

Данскиот фудбалер со клубот од Лондон ќе потпише договор до крајот на сезоната, а потоа ќе се разгледува можноста и за продолжување на договорот.

Ќе потсетиме Ериксен неодамна ја раскина соработката со Интер затоа што во Италија не е дозволено професионалните фудбалери да играат со вграден дефибрилатор, што не е случај во Англија.

Ериксен претходно порача дека сака да оди во клуб каде што ќе има простор за игра со цел да добие повик за Светското првенство Катар.