„Заборавениот“ Насри се враќа во Премиер лигата

Сами Насри после позајмицата во Севиља се пресели во турскиот Анталијаспор, а потоа исчезна од фудбалската мапа.

Французинот во февруари оваа година заработи суспензија од шест месеци поради допинг, а во август казната му беше зголемена на додатни 12 месеци.

Меѓутоа, потоа истата казна беше намалена и му истече пред неколку дена, што значи дека Насри може да му се врати на фудбалот како слободен играч.

Англиските медиуми пренесуваат дека неколку европски клубови го саката неговиот потпис, а меѓу нив два клуба од Премиер лигата.

Имено, за 31-годишниот Французин интерес покажуваат Вест Хем и Евертон кои се спрмени да му дадат нова шанса.

Мануел Пелегрини одлично го познава Насри и сака да го засили тимот после големиот број на повреди, па во Французинот гледа идеална опција.