Жиру по потписот: Горд сум што доаѓам во еден од најголемите клубови во Премиер лигата

Оливие Жиру во последниот ден од преодниот рок го официјализираше својот трансфер во редовите на Челси.

Жиру во Челси пристигнува за сума од 15.3 милиони фунти како оштета и плус 2.2 како бонуси. Французинот по потписот истакна дека е среќен што потпишува со еден од најдобрите клубови во премеир лигата.

„Челси е еден од најголемите клубови во Премиер лигата, можеби освоија најмногу трофеи во последните шест или седум години, но секако дека се голем клуб. Горд сум што ќе играм тука и со нетрпение го чекам мојот настап“, изјави Жиру.

Напаѓачот во Челси ќе го носи дресот со број 18.