Жешко лето во ПСЖ: Заминува Нејмар, доаѓаат три големи ѕвезди

Раководството на Пари Сент Жермен веќе има идеја како да го замени Нејмар, доколку Бразилецот замине од клубот.

Минатото лето Нејмар сакаше да се врати во Барселона, но двата клуба не можеа да се договорат околу обештетувањето, но Бразилецот не се откажува од идејата да се врати на „Камп Ноу“.

ПСЖ за неговиот потпис сигурно ќе добие околу 200 милиони евра, а со таа сума ќе финансира три големи трансфери.

Францускиот клуб ќе се обиде да ја привлече sвездата на Јувентус, Пауло Дибала. Аргентинецот има добра сезона со „бјанконерите“, а според „Ле10Спорт“, тој е избран да го замени Нејмар.

Другата голема трансфер цел е Калиду Кулибали од Наполи, кој треба да биде замена за капитенот Тиаго Силва.

Француските медиуми тврдат дека „светците“ ова лето ќе се обидат да го донесат и Нголо Канте, кој се етаблираше во еден од најдобрите играчи за врска во светот.