Женската фудбалска репрезентација до 19 години убедливо поразена од Босна

Женската фудбалска репрезентација на Македонија до 19 години денес изгуби убедливо во Зеница во контролниот натпревар против Босна и Херцеговина.

Репрезентативките на Босна беа подобри од нашите девојки со 7:0. Победникот беше решен уште на самиот старт. После само половина час нашата селекција прими четири гола, а на пет минути до крајот на првиот дел го упативме првиот шиут кон голот и тоа од слободен удар.

И во вториот дел работите не се променија многу. Босанките постигнаа уште три гола за конечни 7:0.

Головите ги постигнаа: Алма Крајниќ, Наида Харачиќ, Маја Јелик, Марија Ана Миликовиќ, Софија Крајшумовиќ (2) и автогол си постигна Викторија Надева.