Пет години откако направија победија во најголемата континентална битка, актуелниот европски шампион Португалија ги обнови непријателствата со вицешампионот од тоа финале во 2016-та, Франција, во нивниот последен натпревар од групата Ф на ЕУРО 2020.
Без сомнение ова е дербито на денот, но и еден од натпреварите кои беа најочекувани во групната фаза на Европското Првенство. Како да биде поинаку кога ова е реприза на финалето од 2016 година.
Португалија сака реприза од финалето во 2016 година
Александар Вучковски - сомелиер: Како македонските вина го освојуваат светот? ↓↓↓
Роналдо стана најдобар стрелец во историјата на Европските шампионати, откако постигна гол и асистенција против Германија, но петкратниот освојувач на „Златната топка“ немаше многу причини за радост во саботата.
Два автогола во период од четири минути од Рубен Диас и Рафаел Гереиро беа доволни за Германија да замине на полувреме со 2:1. Преку Каи Хаверц и Робин Госенс германците дојдоа веќе до недостижно водство, пред Диого Јота да ги постави конечните 4:2.
Како што беше случај и во 2016 година, актуелниот европски шампион сега се најде во позиција да стравува за пласман во следната фаза. Доколку резултатите не одат според нивните очекувања, Сантос ќе мора да ја задржи надежта дека неговата селекција може да напредува како една од најдобрите третопласирани сеекции. Но така беше и на минатото ЕУРО, па на крајот станаа шампиони.
Вреди да се запамети дека Португалија не успеа да победи на ниту еден натпревар во групата на патот кон славата во 2016. Но тимот на Сантос стана првиот евро-шампион во историјата кој примил четири гола на еден натпревар на шампионатот во поразот од Германија.
Португалија секогаш ја минуваше групната фаза за време на претходните седум настапи на Европските шампионати, но нивната судбина сега зависи само од нив и од резултатот против Франција.
Дешамп задоволен од прикажаното досега
Килијан Мбапе, Карим Бензема и Антоан Гризман беа виновни за ремито на Франција со Унгарија. Како бомба одекна тоа реми на французите во Будимпешта. Франција доминираше, создаваше шанси но Унгарија со 1:0 замина на полувреме. Во вториот дел Гризман само успеа да израмни на конечни 1:1.
Неуспехот да се одржи победничката серија против тим за кој се очекуваше дека нема да освои ниту еден бод во групата, во најмала рака беше шок, но со освоени четири бода од два меча, Франција останува на врвот на групата Ф.
Дидие Дешамп беше изненадувачки оптимист по два меча и и оддаде почит на Унгарија за нивниот настап против Франција, но не може да се очекува дека Дешамп ќе постапи толку благодетно ако неговиот тим потфрли против Португалија. Но на Франција и треба само бод, па дури и со пораз ќе биде најмалку трета, а со овие четири бода и во тој случај ќе ја мине групната фаза. Сега, останува само да одиграат н ависоко ниво, да го задржат првото место за во следната фаза да добијат полесен ривал.
Прогноза:
На последните шест натпревари меѓу овие две селекции само еднаш паднал повеќе од еден гол. Минатата година прво беше 0:0, па 0:1 за Франција, па и сега не очекувајте голејада во Будимпешта. Нема сомнеж дека ќе има неизвесност но ќе одлучуваат мали нијанси, или некој моментум, индивидуален потег на една од многуте ѕвезди во двата тима.
Учество во игри на среќа е дозволено за лица со 18+ години. Играј одговорно!