Ериксен за 100 милиони евра во Реал Мадрид?!

Данскиот репрезентативец Кристиан Ериксен најверојатно после Светското првенство ќе го напушти Тотенхем.

Ериксен има неколку одлични сезони позади себе во дресот на Тотенхем и се чини дека дојде време за нов предизвик и чекор напред во кариерата.

Се повеќе се шпекулира дека ќе премине во шпанската Ла Лига, но се уште не е познат дресот во кој ќе настапува. Имено, за него интерес покажуваат двата шпански гиганти Реал и Барса.

Уште од порано се поврзуваше со Каталонците, но наводно сега Реал спрема мега понуда и спремен е да плати 100 милиони евра, што е сума која ќе ги задоволи Спарси.

Реал од Тотенхем претходно ги донесоа Модриќ и Бејл, и добриот однос меѓу двата тима може да продолжи со успешен трансфер на Ериксен.