Енрике работи на логиката на Шпанците: Репрезентативците тренираа „бегање од затвор“

Селекторот на „Фуријата“, Луис Енрике смисли интересна активност за своите играчи.

Репрезентативците на Шпанија се собраа пред натпреварите со Англија и Хрватска во Лигата на нации кои се закажани за осми и 11-ти септември.

Поранешниот играч и тренер на Барселона, сега селектор на фудбалската репрезентација, Луис Енрике одлучи да ја подобри атмосферата така што ги одведе во популарната „Еscape Room“.

Во прашање е игра во која сте затворени во една просторија и собирајќи разни траги и користејќи ја логиката треба да излезете.

Репрезентативците на Шпанија така имаа прилика да бегаат од три различни соби со интересни теми.

Едната е „Бекство од затвор“, втората е „Главна мадридтска банка“ и третата е „Убиец преку хороскоп“.

Нема сомневање дека фудбалерите уживале во оваа активност, а на Енрике не му е прв пат да прави вакво нешто, своевремно, по доаѓањето во Барселона играчите ги носеше на картинг.