Емре Чан е вишок во Јуве – се враќа „дома“

Италијанските медиуми пренесуваат дека Емре Чан не се вклопува во плановите на Маурицио Сари и може да го напушти Јувентус до крајот на преодниот рок.

Играчот од средниот ред на Јувентус нема да добие голема минутажа кога е во прашање новата сезона во Серија А, бидејќи Сари преферира други играчи на таа позиција.

25-годишниот Германец пристигна во Јувентус минатото лето како слободен агент од Ливерпул. Во својата прва сезона во Торино, тој одигра 37 натпревари и постигна четири гола.

Баерн Минхен и Пари Сент Жермен покажуваат сериозен интерес за неговиот потпис, а медиумите тврдат дека Германецот е блиску до враќање на „Алијанц Арена“.

Имено, Емре Чан е производ на академијата на Баерн Минхен, па би можел да се врати во својот матичен клуб.