Цел живот навивачите на Реал Мадрид можеа да ликуваат во расправиите со навивачите на Барса дека се подобри во „класиката“ на шпанскиот фудбал. Разликата полека се топеше, а овој викенд би можела да исчезне.
Иако ова „Ел Класико“ можеби нема големо резултатско значење во битката за титулата, сепак за Барселона може да биде историско.
Пред дербито, падна најважниот потпис во Манчестер Сити! ↓↓↓
Пред само неколку дека Барселона славеше со 3:0 во 240-то „Ел Класико“. Така Каталонците дојдоа до 94-та победа во дуелите со најголемиот ривал, па Реал сега има само една победа повеќе.
Тоа значи дека дуелот на „Сантиаго Бернабеу“ овој викенд во рамките на 26-то коло од Примера ќе има далеку поголемо значење од три бода. Доколку Барселона победи ќе се изедначи по бројот на победите со „кралевите“, кога се официјалните натпревари во прашање.
И не само тоа, со победа момците на Ернесто Валверде би направиле значаен чекор кон освојување на титулата и би имале 12 бода предност пред Реал Мадрид.
Влогот е огромен, бидејќи Барселона со победа ќе може да се изедначи со големиот ривал, па секое следно „Ел Класико“ исто така би имало огромна тежина.
„Кралскиот“ клуб е во незгодна положба, играат лоша сезона, а пораз во „Ел Класико“ би можел да биде голем удар и за судбината на Солари како тренер на Реал Мадрид.
До сега двата шпански гиганти имаат одиграни вкупно 140 „Ел Класика“, на кои 95 пати славел „кралскиот“ клуб, а 94 пати се радувале Каталонците. Дури 51 пат најголемото шпански дерби завршило без победник.
Учество во игри на среќа е дозволено за лица со 18+ години. Играј одговорно!