Екс тренер на Интер и Наполи ќе го наследни Михајловиќ

Италијанскиот стратег Валтер Мацари е фаворит број еден за наследник на Синиша Михајловиќ на клупата на Торино, пренесуваат италијанските медиуми.

Михаловиќ денес и официјално доби отказ откако „биковите“ синоќа беа елиминирани од Купот после поразот од Јувентус, а во првенството се на 10-то место со 25 бода.

Валтер Мацари веќе добил понуда од Торино, па се очекува во текот на денот дали ќе прифати да седне на празното столче.

56-годишниот стратег има над 620 натпревари во професионалниот фудбал, а најголемиот успех го направи во Наполи каде што остана четири сезони, а потоа се пресели во Интер.

Минатата сезона Мацари го предводеше Ватфорд во Премиер лигата, а моментално е без ангажман.